Tuesday, November 15, 2011

Perempuan Minang

Oleh : Hendra St. Parpatiah
Revised by : Dt. Linduang Alam

Yang dikatakan perempuan di minang adalah mereka yang :

Bakato salalu bana
Tau di malu dengan sopan
Mamakaikan adat jo budaya


Lamah lambuik kok batutua
Budi elok laku katuju
Rahasio dapua sumua jo kasua
Urang lain ndak paralu tau


Nan tuo bamuliakan
Nan ketek dikasihi
Pandai bagarah bakucindan
Taat ibadat jo mangaji

Bijaksana kato rang kini
Pandai malenggang dinan sampik
Tau manjago hati laki

Paham bana hiduik nan sulik
Balayie biduak silenggang
Karucuik jo saliguri
Dinan rumik pandai batenggang
Tando bamain aka jo budi

Limpapeh rumah nan gadang
Sumarak anjuang paranginan
Samo maraso sakik jo sanang
Ka jadi suri jo tauladan


Malabihi ma ancak ancak
Mangurangi sio sio
Tau di bateh jo agak
Tandonyo paham jo kiro kiro


Ikolah sipat nan ka ditiru
Nak salamat dinie akhirat
Tapaliharo tingkah jo laku
Tandonyo padusi ba martabat
Juo bisa manjago martabat keluarga


Urang bijak mangatokan
Harato jo kakayaan
Hanyo mampu ma sejahterakan
Tapi bukan mam bahagikan

Insa Allah padusi minang yang tau adat adalah padusi Shaleha
yang tampeknyo bisuak adolah di sarugo basamo laki-laki Shaleh

"Nan kayo sasungguahnyo
Urang nan pandai mansyukuri"

No comments: